အင်္ဂလိပ်စာ ဘယ်လိုလေ့လာရမလဲ?

အင်္ဂလိပ်စာလေ့လာချင်လို့ဘယ်လိုလေ့လာရမလဲဆိုပြီး နည်းစနစ်မေးကြတဲ့သူတွေအတွက် ရည်ရွယ်ပြီး ဒီစာကိုတင်တာပါ။ ဆွေးနွေးကြည့်ကြပါစို့။

(၁) ဘာလို့အင်္ဂလိပ်စာတတ်ချင်တာလဲ။
အင်္ဂလိပ်စာ လေ့လာတော့မယ်ဆို အကြောင်းပြချက် ခိုင်ခိုင်မာမာရှာပါ။ ဒါနဲ့အသက်မွေးမှာလား၊ အလုပ်တို့ ကျောင်းတို့မှာလိုလို့လား။ ရည်ရွယ်ချက်ကို ရှင်းရှင်းလင်းလင်းသတ်မှတ်လိုက်ပါ။ ဘာရယ်မဟုတ်လေ့လာနေရင် တကယ်တတ်ဖို့မလွယ်ပါဘူး။

(၂) ဘာက စလေ့လာရမလဲ။
ကိုယ့်ရဲ့အဆင့်ကို အကြမ်းဖျင်းသုံးသပ်ကြည့်ပါ။ အခြေခံရှိပြီးသားလား။ ခုမှ အကုန်ပြန်စ လေ့လာရမလား စဉ်းစားပါ။ အခြေခံရှိရင် တစ်ဆင့်မြင့်စာအုပ်တွေနဲ့စပါ။ အသစ် စရမယ်ဆိုရင် အခြေခံအဆင့် စာအုပ်တို့ အခွေတို့က စပါ။

(၃) အမြန်ဆုံးတတ်ချင်ရင် ဘယ်လိုနည်းသုံးရမလဲ။
ဖြတ်လမ်းတော့ မရှိပါဘူး။ တကယ်တတ်ကျွမ်းပြီးစေတနာရှိတဲ့ ဆရာနဲ့ အချိန်ယူသင်ချင်ရင်သင်၊ ဒါမှမဟုတ် ကိုယ်တိုင် ရေးဖတ်ပြောနားထောင် လုပ်နေမှ မြန်မှာပါ။

(၄) ဘာတွေကိုလေ့လာရမလဲ။
ဝေါဟာရ၊ သဒ္ဒါ၊ အသုံးအနှုန်း၊ အီဒီယံ၊ စကားပြောပုံတွေ လေ့လာပါ။ (လေ့လာစရာတွေက များလှချည်လားလို့ တွေးမိပြီထင်တယ်။)

(၅) ဘယ်စာအုပ်တွေ၊ အခွေတွေ၊ Software တွေ သုံးရင်ကောင်းမလဲ။
မြန်မာစာအုပ်တွေကပဲစပါ။ သဒ္ဒါအတွက် ဆရာဦးသာနိုးစာအုပ်တွေကို ထောက်ခံပါတယ်။ အခြေခံသမားတွေအတွက် အင်္ဂလိပ်သဒ္ဒါနိဒါန်းတို့၊ English Grammar For All တို့ ဖတ်ပေးပါ။ ဖတ်တဲ့အခါ ဗလာစာအုပ်ထဲကူးရေးပါ။ ပြန်ဖတ်ပါ။ မျဉ်းတားပြီး အရေးကြီးတာမှတ်ထားပါ။ လေ့ကျင့်ခန်းများများလုပ်ပါ။ ကျွန်တော့်တုန်းက English Grammar For All ကို စာရွက်အလွတ်မှာ ရေးတာမပါ၊ ဗလာစာအုပ်နဲ့ချည်း သုံးအုပ်ကုန်ခဲ့ပါတယ်။ မြန်မာစာအုပ်ကျေညက်ပြီဆိုရင Raymond Murphy ရဲ့ English Grammar in Use (အပြာရောင်) ဖတ်ပါ။ အသုံးအနှုန်းအတွက် ဦးသာနိုးရဲ့ English Elements of the Language ဖတ်ပါ။ ပိုင်ပြီဆို Michael Swan ရဲ့ Basic English Usage ဖတ်ပါ။ ဝေါဟာရအတွက် စာများများဖတ်ပြီး စာလုံးအသစ်တွေမှတ်ထားပါ။ ဒါမှမဟုတ် Cambridge ကထုတ်တဲ့ English Vocabulary in Use စာအုပ်ကိုလေ့လာပါ။ တခြားကိုက်ညီမယ်ထင်တဲ့၊ လက်လှမ်းမီတဲ့ စာအုပ်တွေဖတ်လဲရပါတယ်။ software ဆိုရင်တော့ Interchange, Face to Face, English Grammar in Use တို့က software ခွေပါ ရပါတယ်။ (များလွန်းနေပြီလား။ တကယ်တော့ အင်္ဂလိပ်စာလေ့လာတာ ရေရှည်အလုပ်ပါ။ ဇွဲရှိရှိနဲ့ ကြာကြာလုပ်ရမှာပါ။)

(၆) Listening တို့ Speaking တို့အတွက်ရော။
L.A Hill ရဲ့စာအုပ်လေးတွေ အခွေနဲ့ထုတ်တာတွေရှိပါတယ်။ တိုတော့ နားထောင်နိုင်ပါတယ်။ ဒါတွေအပြင် စာအုပ်နဲ့တွဲထုတ်တဲ့ အခွေတွေမှန်သမျှ လေ့လာနိုင်ပါတယ်။ ပထမဆုံး စာမကြည့်ဘဲနားထောင်ပါ။ နောက်တစ်ခေါက် စာကြည့်ပြီးနားထောင်ပါ။ နောက်တုံးတစ်ခေါက် စာမကြည့်ဘဲ ထပ်နားထောင်ပါဦး။ dialogues တွေကို အဖော်ရှိရင် နှစ်ယောက်ကျင့်၊ အဖော်မရှိရင် တစ်ယောက်တည်း ကျင့်ပါ။ မှန်ရှေ့ကျင့်ပါ။

(၇) နေ့စဉ်အလုပ်အနေနဲ့ ဘယ်လိုလေ့လာနိုင်မလဲ။
ကျွန်တော့်တုန်းကတော့ နေ့တိုင်းစာလုံးအသစ် ခုနစ်လုံးကျက်တယ်။ Grammar သင်ခန်းစာတစ်ခုကို ကျေကျေညက်ညက်လုပ်တယ်။ ဝတ္ထုတိုတစ်ပုဒ်ဖတ်တယ်။ Speaking သင်ခန်းစာတစ်ခုပြောတယ်။ listening ကို အဝတ်မီးပူတိုက်ရင်း နားထောင်တယ်။ (မီးပူမတိုက်တတ်တိုက်တတ်နဲ့ဆိုတော့ အကြာကြီးတိုက်ရတယ်လေ။ ဒီအချိန်မှာ နားထောင်တာ ကျင့်တာပေါ့)

(၈) ခုပြောတာတွေရှုပ်တယ်။ ကိုယ်နဲ့သိပ်မကိုက်ဘူး။ အင်္ဂလိပ်စာလေ့လာနည်းကို အရှင်းဆုံးပြောပေးပါလား။
အိုကေ…အင်္ဂလိပ်စာကို စိတ်ဝင်စားပါ။ ရူးသွပ်ပါ။ ကိုယ့်ကိုကိုယ် အင်္ဂလိပ်စာ၊ အင်္ဂလိပ်စကားသံတွေနဲ့ ဝန်းရံလိုက်ပါ။ ဇွဲရှိပါ။ ဒါဆို အရှင်းဆုံးပါပဲ။

(၉) ဒါတွေလျှောက်ပြီး လမ်းညွှန်နေတော့ တော်တော်တတ်နေလို့လား။
မဟုတ်ပါဘူး မေးထားတဲ့လူတွေကို လေးစားအားနာတဲ့အနေနဲ့ တတ်စွမ်းသမျှဖြေပေးတာပါ။ အင်္ဂလိပ်စာကို ခုချိန်ထိ တတ်သေးတယ်လို့ကို မထင်တာပါ။ ဒါပေမဲ့ လေ့လာဖူးသမျှ အခြေခံပြီး ဖြေပေးတာဖြစ်ပါတယ်။ မကျေလည်သေးရင်လည်း message ပို့ပြီး မေးနိုင်ပါတယ်ဗျာ။
တကူးတက မေးမြန်းတဲ့သူတွေရော၊ စိတ်ရှည်လက်ရှည်ဖတ်ပေးတဲ့ မိတ်ဆွေကိုပါ ကျေးဇူးအထူးပါခင်ဗျာ။