ယုံကြည်စိတ်ရဲ့ အင်အား

အကြွေးနွံနစ်ပြီး ရုန်းမထွက်နိုင်ဖြစ်နေသော စီးပွားရေး အမှုဆောင်အရာရှိတစ်ဦးရှိခဲ့သည်။ သူ့ကို အကြွေးရှင်များက ဝိုင်းလာသည်။ ကုန်ပေးသွင်းသူများက ငွေပေးချေရန် တောင်းဆိုနေသည်။ သူသည် သူ၏ ကုမ္ပဏီ ဒေဝါလီခံရမည့်ဘေးမှ တစ်စုံတစ်ခုက ကယ်တင်ပေးနိုင်မည်လား စဉ်းစားရင်း ခေါင်းကို လက်နှင့်အုပ်ကာ ပန်းခြံထဲက ခုံရှည်ပေါ်၌ ထိုင်နေသည်။

အဖိုးကြီးတစ်ယောက် ရုတ်တရက် သူ့ရှေ့ရောက်နေသည်။ "မင်းတစ်ခုခုကြောင့် ဒုက္ခရောက်နေတာကို ငါမြင်နေတယ်" ဟု သူကပြောသည်။
အမှုဆောင်အရာရှိ၏ ဒုက္ခသုက္ခများကို နားထောင်ပြီးနောက် အဘိုးအိုက ပြောသည်။ "မင်းကို ငါကူညီနိုင်မယ်လို့ ငါယုံကြည်တယ်။"

သူက အမှုဆောင်အရာရှိ၏ နာမည်ကိုမေး၊ ချက်လက်မှတ်တစ်စောင် ရေးပြီးနောက် သူ့လက်ထဲ ထိုးထည့်ပေးပြီး ပြောသည်။ "ဒီပိုက်ဆံကို ယူသွား။ ဒီနေ့ကစပြီး တစ်နှစ်အတိတိကြာတဲ့အခါမှာ ဒီနေရာမှာ ငါ့ကိုလာတွေ့လှည့်။ အဲဒီအချိန်ကျမှ ငါ့ကို ပိုက်ဆံပြန်ပေးလို့ရတယ်။"

ထို့နောက် သူကလှည့်ပြီး သူလာခဲ့စဉ်ကကဲ့သို့ပင် လျှင်မြန်စွာပျောက်ကွယ်သွားသည်။
စီးပွားရေးအမှုဆောင်အရာရှိက သူ၏လက်ထဲတွင် ထိုအချိန်က ကမ္ဘာပေါ်တွင် အချမ်းသာဆုံး လူတစ်ဦးဖြစ်သော ဂျွန်ဒီရော့ခ်ဖဲလား လက်မှတ် ရေးထိုးထားသော ဒေါ်လာငါးသိန်းတန် ချက်လက်မှတ် တစ်စောင်ကို မြင်တွေ့ရလေသည်။

"ငါ့ရဲ့ပိုက်ဆံနဲ့ပတ်သက်ပြီး ပူပန်စရာတွေကို ချက်ချင်းဖျောက်ပစ်လို့ရပြီ" ဟု သူနားလည် သဘောပေါက်လိုက်သည်။ သို့သော် ထိုသို့လုပ်မည့်အစား အမှုဆောင်အရာရှိက ငွေသားမထုတ်ရသေးသော ချက်လက်မှတ်ကို သူ၏မီးခံသေတ္တာထဲ ထည့်ထားရန်ဆုံးဖြတ်ခဲ့သည်။ မီးခံသေတ္တာထဲတွင် ချက်လက်မှတ် ရှိနေသည်ကို သိနေရုံလေးက သူ၏ စီးပွားရေးလုပ်ငန်း အဖတ်ဆယ်ရန် နည်းလမ်းရှာဖွေဖို့ ခွန်အားပေးလိမ့်မည်ဟု သူတွေးခဲ့သည်။

အသစ်တစ်ဖန် ပြန်ဖြစ်လာသော အကောင်းမြင်စိတ်များနှင့် သူက ပိုမိုကောင်းမွန်သည့် စီးပွားရေး သဘောတူညီချက်များကို ညှိနှိုင်းပြီး ငွေပေးချေရမည့် အချိန်ကာလကိုလည်း တိုးမြှင့်ခဲ့သည်။ ကြီးမားသည့် ရောင်းချရမှုအချို့ကိုလည်း အပြီးသတ်ခဲ့သည်။ လအနည်းငယ် အတွင်းတွင် သူသည် အကြွေးမှလွတ်ပြီး ငွေကြေးများ တစ်ဖန်ပြန်လည်ရရှိခဲ့သည်။

တစ်နှစ်အတိအကျ ကြာသောအခါ သူက ငွေမထုတ်ရသေးသော ချက်လက်မှတ်နှင့်အတူ ပန်းခြံသို့ ပြန်လာခဲ့သည်။ သဘောတူညီထားသည့် အချိန်သို့ ရောက်သောအခါ အဘိုးကြီးပေါ်လာသည်။ သို့သော် အမှုဆောင်အရာရှိက ချက်လက်မှတ်ပြန်ပေးပြီး သူ၏ အောင်မြင်မှုဇာတ်လမ်းကို မျှဝေရန်ပြင်ဆဲတွင် သူနာပြုတစ်ယောက်အပြေးအလွှားရောက်လာပြီး အဘိုးကြီးကို ဖမ်းဆွဲလိုက်သည်။
"ဝမ်းသာလိုက်တာ သူ့ကိုမိပြီ" ဟု သူကအော်သည်။ "သူက ရှင့်ကို အနှောက်အယှက်မပေးဘူးလို့ မျှော်လင့်ပါတယ်။ သူက အနားယူတဲ့အိမ်ကနေ အမြဲတမ်းထွက်ပြေးပြီး လူတွေကို သူက ဂျွန်ဒီရော့ခ်ဖဲလားဖြစ်တယ်လို့ လျှောက်ပြောနေတာရှင့်။"
ထို့နောက် သူက အဘိုးကြီးလက်ကို တွဲခေါ်သွားပါသည်။

အံ့သြနေသော အမှုဆောင်အရာရှိသည် နေရာတွင်ပင် ကြက်သေသေပြီး ရပ်နေသည်။ တစ်နှစ်ပတ်လုံးသူသည် သူ့တွင် ဒေါ်လာ သန်းတစ်ဝက်လောက် ရှိသည်ဟု ယုံကြည်ပြီး ရောင်းဝယ် ကြိုးစားနေခြင်းဖြစ်သည်။

ပိုက်ဆံက အစစ်ဖြစ်စေ၊ အတုပဲဖြစ်စေ သူ့ဘဝကို ပြောင်းလဲပေးလိုက်ခြင်း မဟုတ်ကြောင်း ရုတ်တရက် သူနားလည်သဘောပေါက်ခဲ့သည်။ သူကြိုးစားခဲ့သမျှ အရာတိုင်းကို ရရှိရန်စွမ်းအားပေးခဲ့သည်မှာ သူ အသစ်တစ်ဖန်တွေ့ရှိခဲ့သော ကိုယ့်ကိုကိုယ်ယုံကြည်မှုသာ ဖြစ်ပါတော့သည်။

စည်သူထက်

Ref: "Self Confidence" by "Author Unknown"
The Best English Magazine, April, 2015